Hasiera › Albisteak › Laudio ›

"Bubisher proiektuko liburuzain bati soldata ordaindu nahi diogu urtebetez"

• Laudio

Martxoak 8, 2016, 11:42 Eguneratua Martxoak 8, 2016, 12:08

Erredakzioa

UXUE GONZALEZ, IBAN RODRIGUEZ, PAULA RODRIGUEZ, NAIANE BRAVO (Laudio, 2001) Erasmus+ proiektuko parte-hartzaileak dira eta klasekideekin batera ekimen solidarioa abiatu dute errefuxiatu sahararrak laguntzeko.

Ekimena abiatu duzue proiektu bat laguntzeko, ezta?

Bai, Bubisher proiektua babestu nahi dugu. Saharar kanpamenduetan liburutegi mugikorrak sustatzen ditu, errefuxiatuek irakurtzeko aukera izan dezaten.

"Liburuzain batek egiten du lan hori eta gure asmoa da urtebeteko soldata ordaintzea. Horretarako tortillak saltzen ditugu atsedenaldietan eta zozketa bat egingo dugu. Oraindik boletoak salgai ditugu".

Proiektuan parte hartzen dugun ikasle guztiok saltzen ditugu, beraz, jendeak eros ditzake guregana joz gero.

Martxoaren 18an egingo dugu zozketa, Dolumin Barikuan, hain zuzen. Tokiko produktu ekologikoak zozketatuko ditugu, tokiko ekoizleen lana ezagutarazteko, besteak beste.

Proiektuak hiru zutabe ditu eta horietako bat elikadura burujabetza da.

Eta momentuz nolako emaitzak lortu dituzue?

Oso onak. 500 euro baino gehiago jaso ditugu eta arrakastatsua izaten ari da. Duela hiru aste hasi ginen eta beste bi gehiago arituko gara, ziurrenik.

Nola sortu da egitasmoa?

Ideia zaparrada egin genuen eta onena jolastokian tortillak saltzea iruditu zitzaigun. Ideia gehiago ditugu. Nafarrateko enpresa batekin harremanetan jarri gara eta kortxoak bidali dizkigute. Gure asmoa da giltzatakoak egitea, dekoratzea eta Dolumin Barikuan saltzea.

Erasmus+ proiektuaren barruan dago hau. Hiru esparru lantzen ari gara: elikadura, harremanak eta elkartasuna eta osasuna. Ekimen horiekin hirurak gauzatzen ditugu.

Eta zuek parte hartzen duzue Erasmus+ proiektuan?

Bai, hau da gure bigarren urtea. Gutako bi Suediara joan ginen iaz eta Ibanek Turkia bisitatuko du.

Suedian oso ondo pasa genuen. Beste herrialde bat ikusi genuen eta euren kultura ezagutzeko parada bikaina izan zen. Astebete igaro genuen Goteborgtik gertu dagoen herri batean. Maiatzean egon ginen eta egunak askoz luzeagoa ziren.

Proiektu honetan 5 herrialderekin lanean dihardugu: Suedia, Turkia -maiatzean bertara joango gara-, Holanda -iaz ere ikasle batzuekin egon ginen-, Tahiti -Frantziako Polinesia- eta bostok, alegia.

Turkiara sei ikasle joango gara astebetez.

“Apurka-apurka gure erronka lortzen ari gara” IES LAUDIO BHIko elkartasun proiektua eta Erasmus+ proiektua. “Poco a poco vamos consiguiendo nuestro reto” Proyecto solidario del IES LAUDIO BHI y del Proyecto Erasmus+

Gure proiektua  Erasmus+ delakoan parte hartzen ari diren ikasleak  (It’s my life – It’s my choice) hainbat jardueratan murgilduta daude, gure erronka lortzearren: Saharako Tinduf errefuxiatuen kanpamentuetan, liburuzain baten soldata ordaintzeko beste diru lortzea, hain zuzen ere.

Badira aste batzuk, gure ikasleak txandaka tortillak institutura ekartzen dituztela, pintxoak egiteko eta atsedenaldian saltzeko, irakasle zein ikasleen gozamenerako.

Bestetik, otzara baten zozketarako txartelak saltzen ari dira. Zozketa Dolumin Barikuan izango da, martxoaren 18an, urtero Laudion egiten de nekazari azokarekin bat eginez.

Bi jarduera hauei esker, ia 500 (700 € martxoak 7) euro bildu dira, gastuak kenduta. Hau dela eta, gure helburua lortzeko gero eta hurbilago gaude, hau da, errealitate bihurtzeko oso gertu. 

Hainbat ideia gehiago daukagu. Haien artean giltzariak egitea da, gure Erasmus+ proiektuarekin bat egin duen parte-hartzaile berri bati esker.

Bazkide hau Errioxako Navarrete herriko “Victor y Amorín” enpresa da, zeinek elkartasun-giltzariak egiteko kortxoak eman dizkigun.

El alumnado participante en nuestro proyecto Erasmus+ (It’s my life – It’s my choice) está inmerso estos días en varias actividades que nos lleven a conseguir nuestro reto: Reunir el dinero necesario para pagar el sueldo anual de un bibliotecario en los campamentos de refugiados de Tinduf en el Sahara.

Ya son varias semanas en las que el grupo de alumnos y alumnas, por turnos, traen unas tortillas al instituto, que son convertidas en “pintxos”, y que hacen las delicias de profesores y alumnos durante la hora del recreo.

Por otra parte, estamos vendiendo  papeletas para el sorteo de una cesta que tendrá lugar el “Viernes de Dolores”, el próximo 18 de Marzo durante la tradicional feria agraria que se celebra todos los años en nuestro municipio.

Con estas dos actuaciones ya se han reunido casi 500 euros(700€ a 7 de Marzo), descontados gastos,  y están poniendo nuestro reto cada vez más cerca de convertirse en realidad.

Tenemos otras ideas en mente, como la elaboración de unos “llaveros” gracias a la generosidad de un nuevo socio colaborador que se ha unido recientemente a nuestro proyecto Erasmus+. Se trata de la empresa “Victor y Amorím” de Navarrete (La Rioja) que nos ha facilitado los tapones de corcho con los que fabricaremos estos “llaveros solidarios”